Traditat Zakonore në Qytetin e Elbasanit

Pas librit të parë ”Anekdota, gojëdhëna, përralla”, ky është libri i dytë i Aleks Vinit që Qendra e Trashëgimisë Kulturore e qytetit të Elbasanit vë në dispozicion të lexuesit.
Gjykoj se libri ”Tradita zakonore në qytetin e Elbasanit” është unikal në llojin e vet ndër qytetet e Shqipërisë, pasi ai sjell dëshmi të hershme e komplekse të mënyrës së jetesës të të dy komuniteteve të vjetër, kristianë e muslimanë. Ndaj themi që ky libër tashmë merr edhe vlerat referuese të një dokumentacioni autentik. Sepse, përveç të tjerave, aty është jeta e gjallë e pa zbukurime e banorëve të vjetër të qytetit.
Pasi e ke përfunduar librin të duket sikur ke lexuar një ”kozmos” ritesh e zakonosh, të kushtëzuara nga kushtet social-historike të kohërave të mëparshme.