Mirësevini në Arkivin Digjital të Elbasanit. Këtu do të gjeni fotografi, dokumente, libra, harta, portrete, familje e më shumë.
Fotot më të fundit
Bedri Dedja – Nji takim i shkurtër, por nji mbresë e pashlyeshme.

Bedri Dedja – Nji takim i shkurtër, por nji mbresë e pashlyeshme.

Bedri Dedja

(Me rastin e ditëlindjes 20 nëntor 1930)

Abdyl Paralloi do të ishte ai, që më prezantoi me Prof. Bedriun dhe pimë nji kafe. Me të vërtetë njerëzit e mëdhenj karakterizohen nga thjeshtësia dhe janë tepër komunikues me njerëzit e çdo moshe dhe kategorie shoqërore. Unë kam pasur fatin që të bisedoj me të, me këtë figurë të shquar të kombit. Ishte viti 1976, kthehesha nga fshati, Qarret i Shmilit, ku isha mësues. Në rrugën e vjetër përballë ish shtëpisë së oficerave, nigjoj: “O çuni daj Aliut”, kthej kokën shikoj prof.Dylin ( kshu e thërrisja) në ballë dhe nji tjetër në profil, duke pirë kafe…”hajde, hajde”…më erdhi zor ashtu si isha me nji çantë gjeologu krahëve, e papërshkueshme nga uji, por dhe i emocionuar, sepse nuk po dalloja kush ishte tjetri gjysthinjosh. U afrova, shtanga, mbeta pa fjalë, po takoja autorin e “Heroizmat e Fatbardh Pikaloshit”, libri parë që kam lexu të profesorit, huazu nji shoku kur isha në klasë të dytë fillore. E dija që kishte ardhur si profesor në Universitetin e Elbasanit me “dënim”, nga lart. Abdyli më prezantoi: – Asht nga ata njerzit që bisedonim më parë – Bedri, duke më ba dhe disa lavdërime. Në çast mblodha veten dhe u përshëndetëm. Në bibliotekën time modeste, kisha ja dy-tre libra të Prof.Bedriut. Mbasi më pyeti nga familja më thotë – paske emër të ri, për moshën që ke- ma ka vu gjyshi- i them dhe i tregoj historinë. Daj Bimi, thotë Dyli…….ishte burrë zamani…baba im ka nji histori me të. Prof.Bedriu vazhdoi…..ku ke mbaru shkollën, çer dege, ku punoja etj. Si asht fshati ku punon?…më pyeti. Fol Bajraktar fol, më thotë prof. Dyli. Po ja fshat malor, i varfër. “Ushqimet” i marrim me vehte. Lëvizim nji herë në javë, ka raste e dy javë qëndrojmë në fshat. Çanta na u ngjit në trup. Çer të them tjetër prof. Bedriu – them unë. Kur erdhi nji sek. partie në zonë, në nji takim me ne mësuesit pyeti: A jeni të kënaqur me mencat e kooperativës që kemi hap? Nji mësues, Esati, nga Kosova u çua dhe tha : “Jemi shumë të kënaqur shoku sekretar, ju falenderojmë! Për mëngjez hamë vezë të rrafme, për drekë vezë të fërgume dhe për darkë vezë të ziera”. Të gjithë ne shtangëm. Sekretari u vrejt, po sfoli. – Profesori qeshi me të madhe……nuk asht nevoja të thuash gja tjetër, me këtë i ke thanë të gjitha – foli prof. Bedriu, përsëri duke qeshur. Folëm për shumë gjana, për probleme e halle të njerzve, për arsimin, ekonominë, për metalurgjinë, sidomos të dy profesorët. -Si mor Dyl- tha prof. Bedriu – Nuk bëhet i vetëm ky vend, duhet të hapemi me Europën, nuk ndërtohet e zhvillohet vendi me sllogane, po prishen edhe me Kinën. Ajo 1/2 ore, m’u duk dy minuta. Ndenjta e pak, u çova. Gjithë rrugën deri në shtëpi e bana pa pasun menje fare ku ecja, por i mbushur plot me atë njeri të mrekullueshëm. Ndnjenja nji kënaqsi të brendshme, flisja me vehten, më dukej e pabesueshme, por edhe mburresha, s’kisha asnji mëdyshje, isha tepër i sigurtë. Megjithë mend ishte nji fat që shkëmbeva dy fjalë me prof. Bedri Dedja. Biseda me të, më thoshte shumë gjana. Ishin të vërteta, që thuheshin nga nji akademik, njeri me nji njohje, me nji respekt, si brenda edhe jashtë vendit. Por mbi të gjitha ai ishte fisnik me nji shpirt të madh dhe kjo asht karakteristikë e njerzve të mëdhenj në përgjithësi.

35 firmëtarët e Aktit të Pavarësisë së Elbasanit

35 firmëtarët e Aktit të Pavarësisë së Elbasanit

  1. Haxhi Hafiz Sulejman Kungulli
  2. Metropolit, Papa Dhimitër Dhimitruka
  3. Aqif Pashë Biçakçiu
  4. Shefqet Vërlaci
  5. Hasan Biçaku
  6. Abdulla Tirana
  7. Fuat Biçaku
  8. Servet Zylfi
  9. Ismail Bej Xheladin Bej (Taushani)
  10. Ali Agjahu
  11. Maliq Bej Riza Beu
  12. Demir Bej Sulçe Beu
  13. Refik Myftiu
  14. Sheh Mahmut Guma
  15. Sheh Xhafer Pasmaqi
  16. Sheh Hysen Sulova
  17. Ruzhdi Alush Saraçi
  18. Papa Beniamin Deliana
  19. Beniamin Nosi
  20. Taq Buda
  21. Kolë Papajani
  22. Llazar Papajani
  23. Serafin Jorgaqi
  24. Haxhi Nikolla Jorgaqi
  25. Mihal Prifti
  26. Dhimitër Paparisto
  27. Emin Haxhiadem Shijaku
  28. Rrapush Demeti
  29. Mahmut Hakani
  30. Hysen Dakli
  31. Isuf Bej Taushani
  32. Hasan Çifte
  33. Ymer Peni
  34. Hysen Hastopalli
  35. Demir Zenelhoxha
Ymer Deliallisi – figurë kombëtare !

Ymer Deliallisi – figurë kombëtare !

Në kuadër 25 vjetorit të pavarsisë së Shqipërisë mbreti Zog ngriti një komision të posaçëm i cili do quhej Komisioni për Kremtimin e 25-vjetorit të Vet-qeverimit. Ky komision do ndahej në të gjitha prefekturat e mbretërisë së Shqipërisë për të mbledhur të dhëna dhe fakte rreth patriotëve të cilët kontribuan në pavarsinë e Shqipërisë.
Në prefekturën e Durrësit kryetar i komisionit Prefektural do zgjidhej zv.Prefekti i Durrësit Kapiten i pare Mahmut Golemi i përbërë me anëtarë të tjerë të këtij komisioni si Kristaq Zaguridha, Shefqet Çelkupa, Hysen Çela, Harrilla Bakalli etj ky komision përfshinte dhe qytetin e Kavajës. Për qytetin e Shijakut komisionin e kryesonte kryetari i komunës Kurt Shqyti me anëtarë Mexhid Begteshi, Ymer Deliallisi, Abaz Deliallisi dhe Bajram Metalla. Ndërsa komisionin e Krujës e drejtonte nënprefekti Ramazan Minzalli me anëtar Hysen Kalaja.
Letra e mëposhtme është shkruar nga Ymer Deliallisi drejtuar Komisionit të 25 vjetorit të vetqeverimit Shqiptar Tiranë, duke bërë një tablo historike të shkurtër të gjithë aktivitetit të tij patriotik, nga periudha e para pavarsisë deri në kongresin e Lushnjës. Ai ishte nënshkrues i aktit të pavarsisë në Vlorë duke përfaqësuar kështu zonën e Shijakut dhe duke mbajtur më pas një sërë detyrash shtetërore si kryetar bashkie në Shijak apo nënprefekt në Peqin dhe Lushnjë dhe pjesmarrës në kongresin e Zall-Herrit më 21 Nëntor 1943 bashkë me Abaz Kupin, Ndoc Çobën, Rauf Ficon, Gaqo Goga, Xhemal Naibi, Osman Myderrizi etj duke formuar kështu organizatën politike Lëvizja e Legalitetit, vdes në vitin 1944.

__________________________________________

Komisionit të 25. Vjetori të vetqeverimit Shqiptar
Tiranë
Me rastin e lumnueshëm të Vet-qeverimit të 25 Vjetorit, e ndiejë për detyrë të çfaq edhe un, ata të pakta sherbime patriotike qi pata fatin të kryej për realizimin e Independenës Shqiptare. Qysh prej vitit 1908 morra pjesë aktice për përkrahjen edhe përhapjen e idesë Kombtare. Ky fakt vertetohet sepse në at kohe shtypija e jonë kje bamë fole patriotësh ndiekun prej rregjimit Tyrkë.
Si kunder dishmon dhe libri botue prej Z.H. Ibrahim Dalliut me 1930. “Patriotizma në Tiranë” at kohë kurë zjarri për lirinë Kombtare I dha flake kryengritjes të vitit 1912 e cilla munt të thuhet se ishte kryengritja e parë Shqiptare qi kërkonte lirin e vendit; kah mezi i Qershorit të ktij viti formova bashkë vllanë time Masarin Çeta si pjes marrse në deklrarimin e luftës Kombtare. Shkuëm në Sara-salltik të Krujës, ku u poqëm me çetat e Abdi Toptanit, tue formue pjesën mo të gjallë të kryengritjes.
Në vitin 1912 kur plaku i Vlonës dulë në Durrës, e do të nisesh për në Vlonë, me shpall Independencën Shqiptare, morra, pjesë bashkë me kushrinin tim Xhemal Deliallisin si delegate i Nen-prefekturës së Shijakut.
Sot, rujë edhe, kujtimin e shtrejtë të asaj tube Historike At-dhetarësh, qi përçau fushën e Mezeqes, e cilla at ditë kje e transformume në nji knetë të gjanë nga shiu i dendur.
Kët faktë historic e dokumenton dhe libri “Shqipnia me 1927 e Z.T.Selenicës”
Kur mbrritëm në Vlonë, I drejtrova nji telegram paris së Shijakut ku i thonja qi të ngrijshin Flamurin Kombtarë, teksi i ktij telegrami ekziston edhe sot, në Dokumentat Historike të Lef Nosit botue në Qershorë të vitit 1924 në nr.4.
Me 1914 në kohën e Princ Vidit bana pjesë nga nji grushtë patriotësh qi u ndoqën nga rrebelët, dhe bashkë me pjestarët e familjes time luftumë kryengritjen drejtue kundra Qeverisë të asaj kohe deri sa Princi la Durrsin; në ket momentë, edhe un bashk me at grup Atdhetarësh nën kryesinë e Aqif Pash Elbasanit, shkuem në Italië, tuke lane në durët e rrebeleve Babën t’im Dalip Deliallisin i cili qe burgos e derguë në burgun e Elbasanit. Ktu, ky përfitoj nga aratija e shkojë e gjet strehë në Mat, në shtypinë e N.M.Tij Mbretit, e cilla asi kohe ishte çerdhe Patriotësh.
Mbasi qindruëm disa kohë në Italië kthyem në Shkodër e cilla asi kohe nuk ishte e okupume nga rrebelët.
Me gjith qi librat qi jan shkrue rreth Patriotizmës Shqiptare, nuk për mbajnë emnat e Patriotëve qi murrën pjesë active kundra ksaj Kryengritje, por lumtunishtë kët faktë Historik e vertetojnë ata patriotë qi kan fatin të jetojnë edhe sotë.
Me 25/Dhjetuër/1918 morra pjesë si delegate I Nen-prefekturës të Shijakut, në Kongresin Kombtarë të Durrsit; ky fakt historic dekumentohet dhe prej librit Shqipnija me 1927 e Z.T.Selenicës.
Vij e mbëll sherbimet e mija Patriotike, tue mos qitë në harresë dhe pritjen bujare, dhe përkrahjen e duhun, qi gjetën Kongresistat e Lushjes, prej shtypisë t’onë, me rastin e qindrimit të tyne në Shijak; faktë qi nuk mohohet prej kërkujtë.
Me nderime.

(Ymer Deliallisi)

_______________________________________

Dokumenti i siguruar nga Aqsh: F.170 (Komisioni i 25 Vjetorit të Vetqeverimit), D. 47

Servet Bej Zylfi (1883 – 1943) – Firmëtar i Aktit të Pavarësisë Elbasan

Servet Bej Zylfi (1883 – 1943) – Firmëtar i Aktit të Pavarësisë Elbasan

Servet Zylfi lindi në Elbasan, në vitin 1883, në një familje të lidhur ngushtë me ndjenjat e forta atdhetare. Shtëpia e Zylfit ka hyrë në histori, sepse në këtë shtëpi janë zhvilluar ngjarje të rëndësishme të lëvizjes kombëtare në Elbasan.

Pas shpalljes së kushtetutës së “Hyrijetit”, në korrik të vitit 1908 dhe krijimit të grupit të parë kulturor “Bashkimi”,me nismën e Dervish Himës dhe bashkëpunëtorëve të tij u krijua klubi “Vllaznia”, i dyti i këtij lloj në qytet, mbledhja themeluese e të cilit u zhvillua pikërisht  në shtëpinë e Hysen e Servet Zylfit. Në këtë shtëpi, më 18 prill 1909 u mblodhën bejlerë, intelektualë, zanatçinj e tregtarë, të cilët shpallën krijimin e klubit.

Më 1 dhjetor të vitit 1909, në njëë nga eventet më të rëndësishme për kombin siç ishte hapja e Shkollës Normale, shtëpia e familjes Zylfi hapi dyert e saj për të mirëpritur arsimin e Normalen dhe ndërtesa e parë që përdori Normalja e Elbasanit, ku hapi siparin e dijes ishte pikërisht shtëpia e Zylfit. Madje në këtë shtëpi u akomoduan përkohësisht normalistët që vinin nga krahina të ndryshme të Shqipërisë.

Shëpia e Familjes Zylfi, Skicë.

Në qershor të vitit 1912, me krijimin e çetave vullnetare të armatosura, Servet Zylfi, Abdullah Tirana e Tasim Myftiu, ishin në krahinën e Shpatit për të propaganduar idenë e krijimit të çetës së Byshekut. Ndihmesë ato dhanë edhe në zhvillimin e tubimeve në fshatin Kryezjarth, ku u morën vendime të rëndësishme për përfaqësimin e popullit të Elbasanit nga Hasan Prishtina, në bisedimet me autoritete turke për autonomine e Shqipërisë.

Pas Shpalljes së Pavarësisë, Serveti angazhohet për sigurimin e jetesës së familjes, duke u marrë me tregëti , derisa nuk mund të punonte më fizikisht.

Servet Zylfi ndërron jetë në vitin 1943.

Shkrimet më të fundit

Bedri Dedja – Nji takim i shkurtër, por nji mbresë e pashlyeshme.

(Me rastin e ditëlindjes 20 nëntor 1930) Abdyl Paralloi do të ishte ai, që më prezantoi me Prof. Bedriun dhe pimë nji kafe. Me të vërtetë njerëzit e mëdhenj karakterizohen nga thjeshtësia dhe janë tepër komunikues me njerëzit e çdo moshe dhe kategorie shoqërore. Unë...

read more

35 firmëtarët e Aktit të Pavarësisë së Elbasanit

Haxhi Hafiz Sulejman Kungulli Metropolit, Papa Dhimitër Dhimitruka Aqif Pashë Biçakçiu Shefqet Vërlaci Hasan Biçaku Abdulla Tirana Fuat Biçaku Servet Zylfi Ismail Bej Xheladin Bej (Taushani) Ali Agjahu Maliq Bej Riza Beu Demir Bej Sulçe Beu Refik Myftiu Sheh Mahmut...

read more

Ymer Deliallisi – figurë kombëtare !

Në kuadër 25 vjetorit të pavarsisë së Shqipërisë mbreti Zog ngriti një komision të posaçëm i cili do quhej Komisioni për Kremtimin e 25-vjetorit të Vet-qeverimit. Ky komision do ndahej në të gjitha prefekturat e mbretërisë së Shqipërisë për të mbledhur të dhëna dhe...

read more

KATEGORITË

Arkivi

error: Alert: Ndalohet rreptësisht kopjimi i çdo materiali origjinal pa lejen e autorit... Ju falemnderit...! !!