Mirësevini në Arkivin Digjital të Elbasanit. Këtu do të gjeni fotografi, dokumente, libra, harta, portrete, familje e më shumë.
Fotot më të fundit
Marie Buda – një nga vajzat e Elbasanit që qëndisi flamur për Pavarësinë

Marie Buda – një nga vajzat e Elbasanit që qëndisi flamur për Pavarësinë

Në kujtimet e tij, Jorgji Santo, nipi i Marie Buda rrëfen për një flamur, të cilin për vite e kishin pasur të qepur në një jastëk si një aksesor zbukurimi në shtëpinë e tyre, një kujtim i çmuar i familjes Santo, sepse ky flamur ishte qëndisur si dhuratë për gjyshin e tij nga gjyshja. Marie Buda, ato vitet e pavarësisë si shumë vajza të reja, qëndisnin flamuj me simbole kombëtare, të cilat i mbanin si zbukurime, i bënin dhurata, por i përdornin edhe në paja.

Marie Buda i dhuroi pikërisht për ditën e pavarësisë së Elbasanit bashkëshortit të saj, Jorgji Santo një flamur, i cili në fakt sot merr një rëndësi të jashtëzakonshme sepse është një nga ato flamuj “dhuratë” që qëndiseshin nga vajzat në atë kohë. Ky flamur, tanimë 108 vjeçar, ka të qëndisur në të  shqiponjën, simbolin tonë kombëtar dhe datën e Shpalljes së Pavarësisë, të qëndisur me fije ari.

Marie Buda aso kohe ishte një vajzë 16 vjeçare dhe rridhte nga një familje me një mbiemër mjaft të vlerësuar në Elbasan, siç ishte familja Buda. Ajo ishte vajza e xhaxhait të Aleks Budës dhe mbesa e Taq Budës. E entuziasmuar si shumë vajza të tjera,  nga atmosfera në prag të Shpalljes së Pavarësisë ajo qëndisi këtë flamur, që sot përbën një objekt shumëvjeçar, me shumë vlera patriotike e historike.

Shkrimet më të fundit

Shpallja e Pavarësisë së Elbasanit 25 Nëntor 2020

Rilindja Kombëtare Shqipëtare, kjo periudhë e ndritur e historisë sonë, ishte një epokë vendimtare për fatin e të gjithë shqiptarëve. Gjatë gjithë përiudhës së Rilindjes synimi i të gjithë kombit tonë, i patriotëve e atdhetarëve që kanë luftuar me pënëe  me pushkë, ka...

read more

Votim – në një foto të Margaret Hasluck

Ndër figurat e huaja me kontribute të vyera studimore për Botën Shqiptare, një vend të nderuar zë edhe skocezja Margaret Hasluck (lexo Hazllëk). Ajo, e meriton këtë vlerësim për veprimtaritë e shumta të saj, ku përfshihen punime, hulumtime, analiza, botime, fotografi...

read more

Esse për vendlindjen time

Vali është vendlindja ime, është gëzimi dhe krenaria e origjinës time, është pakti solemn i besës që kam lidhur me atë fole hyjnore, aty ku para 73 vitesh erdha në jetë dhe që më ligjeroi të drejtën të jem për herë malësor kryelartë dhe kryemëvehte, që më bën të mos...

read more

Arkivi

error: Alert: Ndalohet rreptësisht kopjimi i çdo materiali origjinal pa lejen e autorit... Ju falemnderit...! !!